ھۆرمەتلىك قېرىنداشلار! ھەممىمىزگە ئايانكى يەر شارىدا ئىرقى، مىللىتى، ئېتىقادى، ئىجتىمائىي ئورنى ئوخشاش بولمىغان ئىنسانلار بىرگە ياشايدۇ. شۇڭا ئىنسانلارنىڭ ئۇرۇش-تالاشتىن ساقلىنىپ، ئۆزئارا ھۆرمەتلىشىپ، ئۆزئارا ياردەملىشىپ ياشىشى ھاياتلىقنىڭ مۇقەررەر تەلىپى، تىنچلىقنىڭ كاپالىتى. قۇرئان كەرىمدە دىنىمىزنىڭ بويسۇنۇش مەنىسىدىكى «ئىسلام» دېگەن سۆز بىلەن ئاتىلىش بىلەن بىرگە، تىنچلىق مەنىسىدىكى «سلم» دىگەن سۆز بىلەنمۇ ئاتالغانلىقىمۇ دىنىمىزنىڭ تىنىچلىق سۈيەر دىن ئىكەنلىكىنى كۆرسىتىپ بىرىدۇ.